Հունվարի 8-ին Հայաստանի Հանրապետության Ազգային անվտանգության խորհրդի (ԱԽ) քարտուղար Արմեն Գրիգորյանը ընդունել է Իրանի Իսլամական Հանրապետության արտաքին գործերի նախարարի տեղակալ Մաջիդ Թախթ Ռավանչիի գլխավորած պատվիրակությանը։
Ընդունման ընթացքում ԱԽ քարտուղարը ողջունել է պատվիրակության այցը Հայաստան և բարձր գնահատել երկու երկրների միջև հարաբերությունների զարգացման կայուն դինամիկան։ Նրա խոսքով՝ այս դինամիկան ընդգրկում է տնտեսական, մշակութային, քաղաքական և անվտանգային ոլորտներ։
Կողմերը վերահաստատել են իրենց պատրաստակամությունը երկկողմ հարաբերությունները բարձրացնելու ռազմավարական մակարդակի։ Զրուցակիցները նաև քննարկել են տարածաշրջանային կապուղիների ապաշրջափակման հարցերը։ Այս համատեքստում երկուստեք կարևորվել է Հյուսիս-հարավ ճանապարհային ենթակառուցվածքի զարգացումը՝ որպես երկու երկրների շահերը խթանող գործոն։
Արմեն Գրիգորյանը վերոնշյալի համատեքստում ընդգծել է Հայաստանի կառավարության հետևողական մոտեցումը «Խաղաղության խաչմերուկ» նախագծի իրագործման հարցում։
