Այսօր ես, որպես Հայաստանի Հանրապետության փոխվարչապետ, ընդունել եմ ԱՄՆ-ի արտակարգ և լիազոր դեսպան Քրիստինա Քվինին՝ նրա դիվանագիտական առաքելության ավարտի կապակցությամբ։
Հանդիպման ընթացքում ես անձամբ և Կառավարության անունից շնորհակալություն եմ հայտնել դեսպանին՝ իր պաշտոնավարման ընթացքում իրականացրած աշխատանքի և Հայաստան–ԱՄՆ հարաբերությունների հետևողական զարգացման գործում ունեցած ավանդի համար։ Ես նաև մաղթել եմ նորանոր հաջողություններ՝ ընդգծելով, որ Քրիստինա Քվինը մշտապես կմնա Հայաստանի բարեկամը։
Քրիստինա Քվինն իր հերթին շնորհակալություն է հայտնել ինձ՝ արդյունավետ և կառուցողական համագործակցության համար։ Մեր զրուցակիցները հանդիպման ընթացքում անդրադարձել են տարածաշրջանային զարգացումների և երկուստեք կարևորել TRIPP նախագծի իրականացումը։
